Vaalrivier-inwoners glo die waarskuwing was te laat

Soos huise langs die oorvol oewers van die Vaalrivier steeds oorstroom, sê ’n omgewingskenner ’n vroeë waarskuwing sou die impak kon verminder het. Eyewitness News berig water uit die oorlopende Vaaldam het huise en besighede in laerliggende gebiede swaar getref. Die Departement van Water het die naweek ’n vyfde sluis oopgemaak toe die dam se vlak 106% bereik het. Dit het die risiko van plaaslike oorstromings verhoog. Inwoners en sake-eienaars vrees dat hulle soortgelyk aan die verwoestende vloede van 2023 geraak gaan word. Baie meen die besluit om ’n vyfde sluis oop te maak was te laat – ’n mening wat die omgewingskenner Richard Meissner deel. Hy sê vroeë waarskuwings kan in die toekoms ’n groot verskil maak.