Varkplaas-moordsaak se hofdatum is vasgemaak

Die moordverhoor teen drie mans wat daarvan beskuldig word dat hulle die oorskot van twee vroue in 'n varkhok by 'n plaas in Sebayeng weggedoen het word in die hooggeregshof in Polokwane, Limpopo, verhoor. SABC News berig varkboer Zacharia Olivier asook plaaswerknemers Rudolf De Wet en William Musora het Dinsdag in die Mankweng-landdroshof verskyn. Hulle staan​​ op aanklagte van moord en poging tot moord tereg ná twee ontbinde liggame verlede jaar Augustus by ‘n plaas ontdek is. Die saak is nou gereed vir verhoor wat na verwagting tussen 4 en 15 Augustus sal plaasvind.