Veilige TB-voorkoming by kinders is nou moontlik

Die eerste veilige en doeltreffende behandeling om multi-middel-weerstandige Tuberkulose (MDR-TB) by kinders te voorkom, is deur die Stellenbosh Universiteit in die Wes-Kaap ontdek. SABC News berig dat die medikasie MDR-TB by kinders met 56% en min newe-effekte verminder. Die ondersoekhoof van die TB-CHAMP-proef aan die Universiteit Stellenbosch, Professor Anneke Hesseling, sê hulle het 'n veilige manier gevind om kinders te beskerm wanneer 'n volwassene met TB besmet is. Sy voeg by dat die voordeel vir kinders, hul gesinne en gemeenskappe aansienlik kan wees.  Op grond van 'n oorsig wat in September van die proefbewyse gedoen is, beveel die Wêreldgesondheidsorganisasie Levofloxacin aan vir MDR-TB voorkomende behandeling by kinders, adolessente en volwassenes.