Veranderinge aan die Poskantoor sal nie Sassa-begunstigdes raak nie

Die Suid-Afrikaanse Agentskap vir Maatskaplike Sekerheid (Sassa) het begunstigdes verseker dat toelaebetalings hierdie maand soos gewoonlik sal voortgaan.

Dit kom nadat Postbank besluit het om sekere dienste by poskantoor-takke landwyd te staak.

Volgens Sassa sal dit nie begunstigdes raak nie.

Die agentskap sê sy stelsels is ontwerp om begunstigdes te beskerm teen operasionele veranderinge wat agter die skerms plaasvind. Sassa sê betalings sal die gewone skedule volg, beginnende met pensioenarisstoelaes môre, gevolg deur gestremdheids- en kindertoelaes.

SASSA sê sy stelsels is ontwerp om begunstigdes te beskerm teen operasionele veranderinge wat agter die skerms plaasvind. FOTO: The South African