Verbruikers aangemoedig om mooi na voedsel vervaldatums te kyk

Die Nasionale Verbruikerskommissie het verbruikers versoek om die datummerke op voedselprodukte na te gaan. Dit volg op sy ontdekking dat verskeie verskaffers nie die Wet op Verbruikersbeskerming nakom nie. Die kommissie het verlede week sowat 38 snelbewegende verskaffers van verbruikersgoedere in die Kaapstad-metro in die Wes-Kaap ondersoek. Dit het ontdek dat verskaffers goedere verkoop of bemark na hul verkoop- of vervaldatum, nie terugbetalings en teruggawes aan kliënte bied nie, en doelbewus nie pryse op goedere vertoon nie.