Verdagtes vas wat student aan passasiersdeur sleep tydens selfoonroof in Bloemfontein

Die twee verdagtes verskyn Vrydag, 8 November, in die hof vir die rooftog van 'n student se selfone, waartydens hy 'n ent langs die voertuig gesleep is terwyl hy verwoed aan die passasiersdeur vasgehou het. Die voorval het in John Knox-straat, Parkweg, Bloemfontein, plaasgevind. Nadat die voertuig in Kgotsong in die Bloemfontein-omgewing opgespoor is, het die Parkweg-polisie die twee verdagtes in hegtenis geneem. Intussen is die slagoffer ontslaan ná mediese behandeling. Hieronder is die veelbesproke video wat op sosiale media die rondte gedoen het. VIDEO WAARSKUWING: Taalgebruik