Verhoor oor die Phala Phala-diefstal begin op 19 Mei 2025

Die verhoor van drie mense wat glo by president Cyril Ramaphosa se Phala Phala-plaas ingebreek het, begin op Maandag 19 Mei in die streekhof in Modimolle, Limpopo. SABC News berig hulle word daarvan beskuldig dat hulle in Februarie 2020 meer as $580 000 gesteel het wat glo in ’n bank versteek was. Die hoofbeskuldigde is borgtog geweier omdat hy glo ’n vlugrisiko is, terwyl sy twee medebeskuldigdes op borgtog vrygelaat is. Die staat sê hy is gereed vir die verhoor en beplan om tot 23 getuies te roep. Die verdediging sal vyf getuies roep, insluitend die twee beskuldigdes self. Sommige van die bewyse is glo tegnies van aard, soos selfoondata.