Verligting kom dalk by die petrolpompe

Suid-Afrikaanse motoriste kan in Januarie beduidende brandstofprysverlagings verwag. Dit is volgens middelmaand-data van die Sentrale Energiefonds.

Petrol toon ’n positiewe herstel van tussen 15 en 17 sent per liter, terwyl diesel ’n oorverhaling van byna een rand per liter aandui.

Die verbetering word aangedryf deur ’n sterker rand en aansienlik laer wêreldoliepryse.

Ter illustrasie. FOTO: Pexels