Vermeende G4S-rowers steek glo kontant in plafonne weg

Saamgestel deur Nadia Pieters
May 27
1 min read

Polisie het glo stapels kontant in plafonne en huise ontdek van verdagtes wat aangekla word in verband met die rooftog van meer as R36-miljoen van G4S in Kimberley in 2016.

Nova News berig die beskuldigdes sluit huidige en voormalige polisielede, sowel as oud-werknemers van G4S in.

Volgens getuienis in die hooggeregshof in Kimberley het sommige verdagtes glo groot kontantbetalings vir voertuie en huisverbeterings gemaak kort ná die rooftog.

Die staat beweer die verdagtes het die sekuriteitstelsels afgeskakel en toegang tot die kluis verkry waar miljoene rand in kontant bewaar is.

Die hof het ook gehoor dat sommige beskuldigdes glo probeer het om die rooftog soos ’n aanval deur onbekende misdadigers te laat lyk.

Die verhoor duur voort.