Vernon Barnard wen ’n internasionale musiektoekenning in New York
5 days ago
1 min read
Die Suid-Afrikaanse sanger Vernon Barnard het die gesogte Danny People Choice Award in New York gewen.
Volgens The Citizen het hy die toekenning ontvang vir sy vertolking van Story of My Life by die geskiedkundige Town Hall.
Die internasionale toekenning bied sedert 2020 aan musikante met gestremdhede van regoor die wêreld ’n platform om hul talent ten toon te stel. Die organisasie bevorder ook groter insluiting en bewusmaking van gestremdhede in die musiekbedryf.
Die blinde sanger het in 2016 bekendheid verwerf toe hy aan The Voice South Africa deelgeneem en gehore met dieselfde liedjie beïndruk het.
Comments