Verouderde tronk-infrastruktuur vergemaklik smokkelary
- Saamgestel deur Nadia Pieters
- 4 days ago
- 1 min read
Verouderde tronk-infrastruktuur vergemaklik die wegsteek van dwelms en ander smokkelgoed.
SABC News berig die nasionale kommissaris van korrektiewe dienste, Makgothi Thobakgale, het dié waarskuwing gemaak nadat 'n onlangse klopjag op 'n groot hoeveelheid smokkelgoed beslag gelê het.
Dit sluit dwelms, messe, selfone, kontant en televisies in.
Volgens Thobakgale maak gevangenes en selfs sommige personeel gebruik van beskadigde infrastruktuur, soos gate en beskadigde pype, om die items weg te steek.
Hy sê gevangenes én personeel wat by die insmokkel van smokkelgoed betrokke is, sal strafregtelik vervolg word.
Comments