Verpleegsters word wêreldwyd vereer

Verpleegsters wêreldwyd word Dinsdag vereer op Internasionale Verpleegstersdag.

Die dag erken die belangrike rol wat verpleegsters in gesondheidsorgstelsels regoor die wêreld speel.

Vanjaar se tema is: “Ons verpleegsters. Ons toekoms. Bemagtigde verpleegsters red lewens.”

Die hospitaalgroep Netcare het in aanloop tot die dag hulde gebring aan verpleegsters vir hul deernis, veerkragtigheid en toewyding, dikwels onder veeleisende omstandighede.

Netcare sê verpleegsters bly die ruggraat van gesondheidsorg en bied nie net mediese sorg nie, maar ook emosionele ondersteuning aan pasiënte en hul families tydens kwesbare oomblikke.

Ter illustrasie. FOTO: Unsplash