Verskeie foute sluip in op soldate se gedenkplate

Verskeie foute is gemaak op die nuut onthulde gedenkplate vir soldate wat tydens buitelandse missies oorlede is. Die gedenkplate meld verkeerdelik dat sommige troepe tydens 'n ontplooiing na Mosambiek gesterf het, terwyl hulle in werklikheid in die Demokratiese Republiek van die Kongo (DRK) gestasioneer was. News24 berig die minister van verdediging, Angie Motshekga, het saam met verskeie topgeneraals  tydens die Verenigde Nasies se Internasionale Dag van die Vredesbewaarder, die plate by De Brug in Bloemfontein onthul. Die troepe in die DRK was die eerstes om die foute op te merk. Luidens berigte is die weermag bewus van die flaters en sê dit was ‘n eerlike fout deur die verskaffer.