Verskeie produkte is tydens inspeksies in Bloemfontein gekonfiskeer

Daar is op verskeie namaakprodukte, onwettige produkte en produkte wat nie aan wetlike vereistes voldoen nie, by ondernemings in Bloemfontein beslag gelê.

Volgens polisiewoordvoerder luitenant-kolonel Thabo Covane is tien inspeksies vandeesweek saam met die Departement van Landbou en ander wetstoepassingsagentskappe uitgevoer.

Daar is onder meer op heuning, verbruiksgoedere en geskeduleerde medikasie beslag gelê.

Verbruikersbeskermingsbeamptes het ook ’n strafsaak geopen ingevolge wetgewing oor vervalste goedere en medisyne.

Een persoon is in hegtenis geneem.

Intussen is onwettige sigarette ter waarde van sowat R250 000 ook gekonfiskeer.

FOTO: Verskaf