Verspreiding van die MIV-teeninspuiting begin in Gauteng

Saamgestel deur Ilde Roos
Jun 8
1 min read

Gauteng se departement van Gesondheid begin Maandag met die verspreiding van die nuwe inspuiting teen MIV, Lenacapavir.

SABC-nuus berig Gauteng is geïdentifiseer as een van die belangrikste provinsies vir die verspreiding van die eerste besending van die middel, weens die hoë voorkoms van die siekte daar.

Die provinsie se Gesondheidswoordvoerder, Steve Mabona, sê Lenacapavir sal aan 56 000 pasiënte in 133 fasiliteite regoor Gauteng beskikbaar gestel word vir mense wat 'n groot kans het om die siekte op te doen.

Die middel is verlede week bekendgestel.