Vinnige optrede beperk brandskade in Pellissier
- Saamgestel deur Nadia Pieters
- 3 minutes ago
- 1 min read
Vinnige optrede deur buurtwaglede en nooddienste het gehelp om groot skade aan 'n woning in Pellissier te voorkom nadat 'n grasdak aan die brand geslaan het.
AfriForum Bloemfontein sê die Pellissier-buurtwag het vroeg gisteroggend 'n oproep ontvang oor die brand en die nodige nooddienste onmiddellik geaktiveer.
Volgens inligting wat deur AfriForum Bloemfontein gedeel is, is die brand gestuit voordat dit verder kon versprei en groter skade aan die woning kon aanrig.
AfriForum het die Bloemfontein GVS-beheerkamer, die Mangaung-brandweer, Fidelity Secure Fire, Fire Ops en die Pellissier-buurtwag se patrolleerders bedank vir hul vinnige reaksie en samewerking tydens die voorval.
Die organisasie sê die voorval beklemtoon die belangrikheid van samewerking tussen gemeenskapsveiligheidsstrukture en nooddienste.
Comments