Vrae ontstaan oor die toekoms van die MK-party as Zuma sou uittree

Saamgestel deur Ilde Roos

Oct 12

1 min read

Vrae ontstaan oor die toekoms van die MK-party en of daar ’n opvolgingsplan is indien die party se stigter, voormalige president Jacob Zuma, hom aan die politieke toneel onttrek.

Dit volg nadat Zuma verlede week by die Netcare St Anne’s-hospitaal in Pietermaritzburg opgeneem is.

IOL berig sy seun, Duduzane Zuma, wat ook die party se eerste adjunkpresident is, het ook verlede Vrydag tydens ’n saamtrek probeer om ondersteuners gerus te stel.

Hy het gesê sy pa bly die leier van die party en sal aan die algemene verkiesing van 2029 deelneem.