Vrae ontstaan oor metaalverkeerstrukture in Waverley

Vrae ontstaan oor of verkeerskalmerende strukture wat onlangs in Whitesweg in Bloemfontein aangebring is, die nodige munisipale goedkeuring gekry het en aan die vereiste veiligheidstandaarde voldoen.

Die groot metaalstrukture wat oor die pad aangebring is, is glo bedoel om motoriste op die toenemend besige roete stadiger te laat ry.

My City Bloemfontein berig 'n inwoner het glo teen een van die strukture vasgery terwyl hy binne die spoedgrens gereis het. Vrae is ook gevra oor of voldoende waarskuwingstekens aangebring is.

Dit is onduidelik wie die strukture aangebring het, of dit amptelik gemagtig is en of daar aan die vereiste veiligheidstandaarde en aanwysingsvereistes voldoen is.

Ter illustrasie. FOTO: Wix