Vroue in die Vrystaatse polisie word vir jare se diens vereer

As deel van die Vrouemaand-vieringe, wat die opofferings, toewyding en leierskap van Vrystaatse polisie-vroue erken, is ‘n spesiale medaljeparade gehou. Tydens die seremonie het die Vrystaatse hoof van finansies, Brigadier BH Teleki, 'n 30-jaar medalje ontvang. Daar is aan nog 67 lede 20-jaar medaljes en 46 lede 10-jaar medaljes toegeken ter erkenning van hul lang en lojale diens aan die organisasie en die mense van Suid-Afrika. Volgens ‘n aanlyn plasing sê die adjunkminister van polisie, Polly Boshielo, die medaljes is ‘n simbool van hoop dat die polisie steeds lojale en toegewyde lede binne die diens het.