Vroue verskyn nou ook op SA muntstukke

Saamgestel deur Ilde Roos
1 day ago
1 min read

Vir die eerste keer in Suid-Afrikaanse geskiedenis, is twee muntstukke vrygestel met vroue op.

Die Suid-Afrikaanse Reserwebank het twee herdenkingsmunte bekendgestel wat vroue se bydrae tot die land se vryheidstryd vereer.

Volgens die Suid-Afrikaanse Reserwebank se webtuiste herdenk die eerste R2-muntstuk 125 jaar sedert Charlotte Maxeke die eerste swart Suid-Afrikaanse vrou geword het om met ’n universiteitsgraad te gradueer. Die tweede merk 70 jaar sedert die 1956-vroueoptog, toe meer as 20 000 vroue teen apartheidspaswette betoog het.