Vrystaatse boere kan help om veediefstal te bekamp
Jul 19
1 min read
Boere in die Vrystaat word gevra om deel te neem aan 'n navorsingstudie wat daarop gemik is om veediefstal beter te voorkom.
Landbouweekblad berig die studie word deur Willie Clack, senior lektor aan Unisa, gelei.
Dit fokus op hoe tegnologie, inligting en samewerking tussen boere en die Suid-Afrikaanse Polisiediens gebruik kan word om landelike veiligheid te verbeter.
Volgens Clack is die Vrystaat as navorsingsgebied gekies omdat die provinsie se veediefstalprobleem grootliks met die nasionale tendens ooreenstem.
Die studie ondersoek onder meer die gebruik van kameras, hommeltuie, opsporingstoestelle en ander tegnologie om georganiseerde veediefstal te bekamp.
Deelname is vrywillig en alle inligting sal vertroulik hanteer word.
Comments