Vrystaatse kontrakteurs moenie misgekyk word nie

Saamgestel deur Nadia Pieters
2 days ago
1 min read

Vrystaatse premier MaQueen Letsoha-Mathae het amptenare van die Departement van Menslike Nedersettings gewaarsku om nie plaaslike kontrakteurs mis te kyk ten gunste van ondernemings uit ander provinsies nie.

Volgens inligting wat deur die Vrystaatse Provinsiale Regering gedeel is, sê Letsoha-Mathae plaaslike ondernemings, veral dié wat deur vroue en jongmense besit word, moet meer geleenthede kry om as hoofkontrakteurs aangestel te word.

Sy sê die praktyk om groot kontrakte aan ondernemings van buite die provinsie toe te ken, kan nie langer geduld word nie.

Die premier voeg by amptenare sal aanspreeklik gehou word vir besluite wat nie die belange van Vrystaters bevorder nie.