Vrystaatse-man glo oor R5 vermoor

'n Jong verdagte is tans in polisie-aanhouding in die Vrystaat ná hy glo ‘n man oor R5 vermoor het. Polisiewoordvoerder, Martin Xuma, sê in ‘n mediaverklaring ‘n rusie het glo tussen die twee mans tydens ‘n potjie pool, oor 'n R5-muntstuk, by ‘n plaaslike taverne in Philippolis, in die Vrystaat, begin. Die verdagte het na bewering ‘n bottel gebreek en die slagoffer daarmee gesteek. Die polisie is na die toneel ontbied en het die man  se liggaam op die sypaadjie gevind. Met die hulp van die gemeenskap in en om Phillipolis is die man gevind en hy sal binnekort in die Philippolis-landdroshof, op aanklag van moord verskyn.