Vrystaatse polisie slaan op onwettige mynbou toe

Die polisie in die Vrystaat gaan voort om op onwettige mynbedrywighede toe te slaan en misdaad uit te roei. Die polisie het drie verdagtes in Thabong in hegtenis geneem nadat hulle op heterdaad betrap is tydens onwettige mynbedrywighede. Die spanne het beslag gelê op goudhoudende materiaal en toerusting soos grawe en tuingrawe. Nog twee onwettige mynwerkers is in ‘n aparte voorval by Beatrix 1-myn in hegtenis geneem. Die verdagtes was na bewering sedert verlede Augustus ondergronds. Alle verdagtes sal binnekort in die hof verskyn.