Vrystaatse spoorweg-infrastruktuur is geplunder
- Saamgestel deur Ilde Roos
- Nov 5
- 1 min read
Die polisie in die Vrystaat het nege verdagtes by die Kamfersdale-spoorlyn naby die Staalbrug langs die N3 in hegtenis geneem.
Die verdagtes is na bewering betrap terwyl hulle probeer het om 81 hout spoorwegdwarslêers los te skroef en te steel.
Die polisie het inligting oor die beplande diefstal ontvang en die gebied onmiddellik onder toesig geplaas.
‘n Gekoördineerde operasie is in samewerking met private sekuriteit en Transnet-sekuriteitsbeamptes van stapel gestuur, wat gelei het tot die suksesvolle arrestasies en die terugvind van die gesteelde eiendom.
Die verdagtes sal na verwagting vandag in die Warden-landdroshof verskyn op aanklagte wat verband hou met die skade aan en diefstal van noodsaaklike infrastruktuur.
Comments