Vrystaters stook die beste mampoer

‘n Pa-en-seun-duo van die Vrystaat is by die Kultuurstokersgilde se kompetisie as die beste mampoerstokers aangewys.

Vrystaat Kroon berig pa Willem en sy seun Hendrik Marais, boere van die Kroonstad-distrik, is aangewys as afdelingwenners vir die beste appelkoos-, beste maroela- en beste druiwe-mampoer met dop op hout verouder, jonger as drie jaar.

Deelnemers moet lid van die Kultuurstokersgilde wees en oor ‘n wettige stokerslisensie beskik.