Vrystaters word teen ‘n rondloper leeu gewaarsku

Verskeie aanvalle op vee naby die Rietfontein en Astral-plase dui daarop dat daar dalk n rondloper leeu of leeus in die omgewing is.

Die Vrystaatse plaaslike munisipaliteit, Dihlabeng, sê in ‘n kennisgewing hulle werk nou saam met die plaaslike owerhede en kundiges in wildlewe om die stituasie aan te spreek.

Intussen doen hulle ‘n beroep om die plaasgemeenskap naby hierdie gebiede om versigtig te wees en binnenshuis te bly. 

Hulle voeg by meer inligting sal deurgegee word soos dit beskikbaar is.

Ter illustrasie. FOTO: Unsplash