VS mans word gevang met swartsakke vol dagga

Saamgestel deur Ilde Roos
Mar 29
1 min read

Twee mans is in Vredefort in die Vrystaat gevind met ongeveer 110kg se dagga, met 'n beraamde straatwaarde van R100 000.

Polisiewoordvoerder, sersant Josephine Rani, sê owerhede het op inligting gereageer oor ’n voertuig wat vermoedelik by dwelmhandel betrokke is. Terwyl hulle langs die R59 gepatrolleer het, het lede die geïdentifiseerde voertuig naby die Vredefortkoepel opgemerk en onderskep.

Met die deursoeking van die voertuig het lede 12 swart vullissakke gevind wat Swati-dagga bevat het. Die dagga is gekonfiskeer.

Die verdagtes sal na verwagting binnekort in die Vredefort-landdroshof verskyn op aanklagte van handel in dwelms.