Watertekorte word in dele van Bfn verwag

Dele van Bloemfontein kan Donderdag lae waterdruk of tydelike onderbrekings in watervoorsiening ervaar. Dit is weens Centlec se beplande kragonderbreking by die Maselspoort-waterbehandelingsaanleg.

Volgens 'n kennisgewing van die Mangaung Metro Munisipaliteit kan dié onderbreking Donderdag vanaf 07:00 tot 18:00 plaasvind. Indien dit nie gebeur nie, kan die onderbreking op 30 Julie plaasvind.

Die gebiede wat geraak kan word, is:

• Bayswater;

• Naval Hill;

• Dan Pienaar;

• Maselspoort;

• Heuwelsig;

• Roodewal;

• Arboretum;

• Die Bram Fischer-lughawe en omliggende gebiede; en

• Pentagon Park.

Inwoners word aangemoedig om voldoende water vir noodsaaklike gebruik op te gaar en water spaarsaam te gebruik gedurende die onderbreking.

Ter illustrasie. FOTO: Rosestad-nuus/Ilde Roos