Weiveldbrande in Noordwes is moontlik opsetlik gestig
- Saamgestel deur Nadia Pieters
- 2 hours ago
- 1 min read
Die onlangse toename in veld- en weiveldbrande in Noordwes is moontlik die gevolg van brandstigting.
Die LUR vir Landbou en Landelike Ontwikkeling, Madoda Sambatha, sê ondersoeke is aan die gang, maar daar is sterk aanduidings dat baie van die brande opsetlik gestig is.
Hy waarsku dat die brande groot skade aan die landbousektor aanrig en die lewensbestaan van boere bedreig.
Volgens Sambatha vernietig die brande weiveld, lei dit tot veevrektes, bedreig biodiversiteit en plaas dit 'n verdere finansiële las op boere.
Die departement sê hy werk saam met wetstoepassers om die mense wat vir die brande verantwoordelik is, voor die hof te bring.
Comments