Werkers by ‘n munisipaliteit in die Vrystaat vra dat die regering oorneem

Saamgestel deur Nadia Pieters
Jan 28
1 min read

Werknemers by die Mafube Plaaslike Munisipaliteit in die Vrystaat doen 'n beroep op die nasionale regering om die administrasie van die munisipaliteit oor te neem.

Volgens SABC News het munisipale werkers geaffilieer met die Suid-Afrikaanse Munisipale Werkersunie en die Onafhanklike Munisipale en Geallieerde Vakbond weer hul gereedskap neergelê oor onbetaalde salarisse en wanbetaling van derde partye.

In Januarie verlede jaar het die hooggeregshof in Bloemfontein Mafube gelas om die munisipale werkers se aftreefonds R14 miljoen plus rente te betaal.

Daardie bevel volg op die munisipaliteit se versuim om vorige hofbevele, wat na 2011 terugdateer, na te kom.