Weskoppies wink vir Liebenberg

Saamgestel deur Ilde Roos
Jul 7
1 min read

Ná maande se wag sal die vermeende diamantsmokkelaar Louis Liebenberg nou uiteindelik na die Weskoppies-psigiatriese hospitaal oorgeplaas kan word.

Maroela Media berig die Nasionale Vervolgingseenheid (NVG) se woordvoerder, Tshegofatso Makhudu, bevestig Liebenberg sal op 15 Julie na die psigiatriese hospitaal geneem word en ingevolge ŉ vroeëre hofbevel van die Bronkhorstspruit-landdroshof vir 30 dae waargeneem word.

Lienenberg is verlede jaar vir waarneming verwys, nadat dié hof bevind het Liebenberg se fokus is op ander aangeleenthede as sy borgtogaansoek gerig. Liebenberg, sy vrou, Dezzi, en sewe medebeskuldigdes staan tereg op 127 aanklagte wat onder meer rampokkery insluit.