WhatsApp laat vaar ondersteuning vir verouderde Android-weergawes
- Saamgestel deur Jana Roos
- May 7
- 1 min read
WhatsApp sal ondersteuning vir Android vyf- en vyfpunt-een-toestelle, ook bekend as Android Lollipop, oor vier maande laat vaar.
Dit beteken dat gebruikers met ouer fone wat nie na Android ses kan opgradeer nie, hul toestelle sal moet vervang om die toepassing te kan gebruik. Die toepassing word wyd in Suid-Afrika gebruik as gevolg van sy laekoste-boodskappe en oproepe.
Ongeveer een-komma-ses persent van Android-toestelle gebruik steeds die Lollipop-weergawe, wat in 2014 vrygestel is.
WhatsApp sê dat hulle gebruikers wat hierdeur geraak word in die toepassing in kennis sal stel.
Comments