WINTERSPELE: Toestande eis sy tol in slalom, ook vir SA

Die 17-jarige Suid-Afrikaner, Thomas Weir, was onder die talle Alpynse skiërs wat nie die uitdagende toestande in die slalom op die Milaan-Cortina-Winterspele in Italië kon voltooi nie.

Slegs 44 van die 96 deelnemers het die eerste lopie in Bormio baasgeraak, met Switserland wat goud gewen het, Oostenryk silwer en Noorweë wat die brons medalje ingepalm het.

Weir kan egter trots wees op sy debuut op senior vlak nadat hy drie-en-sestigste in die reuseslalom geëindig het, terwyl sy landgenoot, Lara Markthaler, Woensdag in die vroue-slalom meeding.

Thomas Weir. FOTO: TeamSA