Woolworths sê Beyers se likwidasie is nie sy skuld nie

Saamgestel deur Ilde Roos
5 hours ago
1 min read

Woolworths se uitvoerende hoof, Roy Bagattini, het bewerings ontken dat die groep die hoofrede vir sjokoladeverskaffer Beyers Chocolates se likwidasie is.

Beyers, wat die Sweetie Pie- en Chuckles-produkte vir Woolworths vervaardig het, het onlangs aangekondig dat hulle ná 39 jaar sal sluit. Die sluiting sal na verwagting sowat 700 werkers raak.

Stigter Kees Beyers beweer dat die verlies van Woolworths, wat ongeveer die helfte van die maatskappy se omset uitgemaak het, tot die ineenstorting bygedra het.

Bagattini sê egter dat Woolworths nie verantwoordelik kan wees vir die optrede van ’n besigheid waarvan dit vir meer as ’n jaar geskei is nie.