Zelenski bereid om sy pos te los vir vrede

Oekraïne se president, Volodymyr Zelenski, sê hy is bereid om sy pos te verlaat as dit vrede vir sy land beteken. Times LIVE berig hy het gespot dat hy sy uittrede sou verruil vir Oekraïne se toetrede tot Noord-Atlantiese Verdragsorganisasie (NAVO). Intussen het die VSA-president, Donald Trump, hom as ʼn diktator bestempel en verkiesings geëis, aangesien Zelenski se ampstermyn in 2024 verstryk het. Zelenski, gesteun deur sy opposisie, weier verkiesings tydens oorlog en sê hy wil Trump as 'n vennoot hê, nie net ʼn bemiddelaar nie.