ActionSA gaan optree teen McKenzie oor beweerde dreigemente

Saamgestel deur Ilde Roos
Mar 23
1 min read

ActionSA sal na verwagting klagte teen die minister van sport, kuns en kultuur, Gayton, McKenzie, aanhangig maak vir beweerde dreigemente teenoor een van sy parlementslede.

Dit kom nadat Dereleen James McKenzie se reiskoste en Kenny Kunene se beweerde bande met die vermeende misdaadbaas Katiso Molefe bevraagteken het.

McKenzie het tydens ’n regstreekse uitsending op sosiale media James daarvan beskuldig dat sy leuens oor hom versprei, maar hy het ontken dat hy dreigemente teen haar gemaak het. ActionSA sê egter McKenzie en sy organisasie het ’n geskiedenis wat kommer wek wanneer opmerkings van hierdie aard gemaak word.

Die party sê daar bestaan bewerings dat McKenzie se party by kriminele aktiwiteite betrokke is.