AgriSA verwerp eise van massa-grondbeslaglegging

AgriSA het die Amerikaanse president, Donald Trump, se eise oor massa-grondbeslaglegging in Suid-Afrika verwerp. AgriSA se president, Jaco Minnaar, het aan eNCA gesê dat boere nog nie wydverspreide grondbeslaglegging ervaar het nie. Hy sê ook sake van onteiening is regverdig en volgens die grondwet gevoer. Minnaar voeg by as boere kommer oor sekere aspekte van die onteieningswet het, kan hulle hul tot die howe en die grondwet wend vir verhaal.