Eskom-woonstelle naby Kusile staan leeg en onvoltooid

Eskom het bykans ’n miljard rand bestee aan ’n behuisingsontwikkeling naby die Kusile-kragsentrale in Mpumalanga wat nooit voltooi is nie, en 366 woonstelle is gevolglik verlate.

Die Ogies-behuisingsprojek was bedoel om huisvesting te bied aan vakmanne, bouers en tegniese kontrakteurs wat aan die konstruksie van die kragsentrale gewerk het.

Eskom sê egter die projek is nooit voltooi nie weens ernstige wanbestuur en swak prestasie deur kontrakteurs.

Gesprekke is nou aan die gang met die Departement van Menslike Nedersettings oor die moontlikheid om die ontwikkeling in maatskaplike behuising te omskep.

Ter illustrasie. FOTO: Biznews