ANC-veteraan sê Nasionale Dialoog nie noodwendig silwer randjie

Die ANC-veteraan Tokyo Sexwale waarsku om nie die Nasionale Dialoog as lig in die tonnel oor ‘n verskeidenheid komplekse uitdagings wat die land in die gesig staar te sien nie.

Dit kom nadat president Cyril Ramaphosa kritiek en lof ontvang het in Junie toe hy die dialoog aangekondig het, wat gemik is daarop om die land se demokrasie te versterk.

Volgens EWN sê Sexwale daar moet gewaak word daarteen dat die dialoog nie gelei word deur die mense wat in die eerste plek vir die oorsaak van die probleme verantwoordelik is nie.

Hy voeg by daar is ‘n goeie kans dat die dialoog iets sal produseer, maar ook dat dit dinge kan vererger.

Sexwale sê dit is belangrik vir die regering om betrokke te wees ten einde versekering te gee, aangesien dit deur die president daargestel is en hy nie daarvan kan weghardloop nie.