Behuisingsteikens in die Vrystaat word herhaaldelik gemis
- Saamgestel deur Nadia Pieters
- Nov 27, 2025
- 1 min read
’n Nuwe verslag wys op ernstige tekortkominge in die Vrystaatse Departement van Menslike Nedersettings, waar belangrike behuisingsteikens herhaaldelik gemis is.
Die departement het slegs 32% van hul 2024–2025 teikens bereik, met net 573 van die beplande meer as tweeduisend Breaking New Ground-huise voltooi.
Daar is ook geen vordering met titelaktes nie.
Oorsigbesoeke toon projekte wat al jare vertraag is, bouwerk wat stilstaan, verkrygingsprobleme en kontrakteur-kwessies.
Die DA se David Mc Kay sê verskeie ontwikkelings, sommige meer as ’n dekade oud, bly onvoltooid, wat inwoners sonder hul beloofde huise laat.
David Mc Kay
Comments