Bestuurslisensiekaarte kan vinniger uitgereik word
- Saamgestel deur Nadia Pieters
- May 14
- 1 min read
Die Bestuurslisensiekaartrekening beplan om die wagtyd vir nuwe bestuurslisensiekaarte binne die volgende drie jaar tot sowat sewe werksdae te verminder.
Die teiken vorm deel van die entiteit se 2026/27 Jaarlikse Prestasieplan, wat deur die minister van vervoer aangekondig is.
Volgens die entiteit sal daar gefokus word op die vermindering van agterstande, die versterking van kuberveiligheid en die verbetering van kliëntediens.
Gemiddelde wagtye het reeds verbeter van 23 werksdae in 2022/23 tot 19 dae in 2024/25.
Die mikpunt is om dit teen 2027/28 tot 14 dae te verkort, voordat dit verder tot sewe dae teen 2028/29 verminder word.
Comments