BKS: Vrystaat Landbou verwelkom ‘n hofbevel oor die inentingsplan

Saamgestel deur Jana Roos
Mar 25
1 min read

Vrystaat Landbou (VL) verwelkom die uitspraak van die Hooggeregshof in Pretoria wat die minister van landbou las om ‘n skema wat private inenting teen bek-en-klouseer toelaat, teen 17 April te finaliseer en te publiseer.

Die uitspraak volg op ‘n dringende aansoek deur VL en vennote, wat beperkings op private entstofgebruik betwis.

VL-president, Francois Wilken, sê die hof het vertragings gekritiseer en die minister gelas om koste te betaal. Hy voeg by dat die konsepplan ‘n verskuiwing aandui in die rigting van die toelaat van private veeartse om in te ent, maar waarsku dat dit die staat steeds te veel beheer oor verkryging en implementering gee.