Bloem-makelaar, Jaco Cloete, se bedrogverhoor word volgende jaar hervat
- Nadia Pieters
- Oct 8
- 1 min read
Die Voormalige finansiële makelaar van Bloemfontein, Jaco Cloete, se bedrogverhoor sal naverwagting eers volgende jaar hervat word.
Dit nadat die saak vandeesweek uitgestel is aangesien een van sy regsverteenwoordigers ander verpligtinge gehad het.
Netwerk24 berig Cloete staan op altesaam 880 aanklagte tereg, waarby meer as R39 miljoen glo betrokke is.
Hy word in 148 aanklagte van bedrog aangekla weens beleggins met beloofde hoë opbrengste wat hy tussen 2005 en 2009 van mense aanvaar het – van die beleggers het meeste van of al hul geld verloor.
Die klaers is van onder andere Bloemfontein, Upington, Pretoria en Delmas.
Al die aanklagte is met die toestemming van die nasionale direkteur van openbare vervolgings in die streekhof in Bloemfontein gesentraliseer.
Comments