Bloemspruit se geskiedenis word as ingenieurslandmerk gevier
Die Bloemspruit-stormwaterkanaal is as 'n historiese siviele ingenieurslandmerk erken.
Die Mangaung metro se burgemeester, Gregory Nthatisi, het Donderdag saam met verteenwoordigers van die Suid-Afrikaanse Instituut vir Siviele Ingenieurswese en ingenieurstudente van die Sentrale Universiteit vir Tegnologie 'n gedenkplaat by die kanaal onthul.
Die kanaal is ná die verwoestende oorstromings van 1904 ontwikkel en het volgens Nthatisi Bloemfontein sedertdien teen opeenvolgende oorstromings beskerm.
Die erkenning vier die werk van die ingenieurs asook die geslagte professionele persone wat dié belangrike infrastruktuur oor die jare onderhou het.
Nthatisi sê op sosiale media dit is 'n trotse oomblik vir Bloemfontein, die Mangaung-metro en Suid-Afrika se ingenieurserfenis.
Comments