Bloemfonteiners in die noorde moet sorg dat hulle genoeg water stoor
Aug 31
1 min read
Inwoners van Bayswater, Navalsig, Naval Hill, Noordhoek en omliggende gebiede in Bloemfontein word gewaarsku oor ’n beplande 36-uur-wateronderbreking vanaf Donderdag 3 September.
Die Mangaung-metro sê die onderbreking is nodig vir instandhoudingswerk, waaronder die skoonmaak van die Hamilton Park-reservoir, inspeksie van terugslagkleppe en herstelwerk aan ’n klep by die rivierkruising.
Inwoners word aangeraai om vooraf genoeg water te stoor en water spaarsamig te gebruik gedurende die onderbreking.
Comments