Bouers ontdek goud in die mure van ‘n Belgiese eiendom

Bouers wat ’n huis in Oos-Vlaandere in België opknap, het goud ter waarde van glo sowat 9 miljoen euro, oftewel ongeveer R176 miljoen, binne die keldermure ontdek.

Die werkers het goudstawe en muntstukke gevind terwyl hulle geboor het om nuwe rioolpype te installeer.

Die ontdekking het vrae laat ontstaan oor wie die skat wettiglik sal hou, met die bouers en die liefdadigheidsorganisasie wat die eiendom besit, wat dit moontlik kan opeis.

Die polisie het ’n ondersoek begin en die goud na ’n veilige plek verskuif.

FOTO: Facebook