Checkers is weer die sterkste handelsnaam in die land

Checkers het homself weereens bewys as die sterkste handelsmerk in die land.

Volgens 'n artikel op Brand Finance se webtuiste toon hul 2026-verslag dat Checkers se handelsmerkwaarde met 9% tot R25,6 miljard verhoog, en het die maatskappy ’n handelsmerksterkte-indekstelling van 97 uit 100 en ’n AAA+ gradering het.

Volgens Brand Finance se marknavorsingsdata weerspieël dit sterk kliëntpersepsies van kwaliteit, gerief en innovasie, ondersteun deur die voortdurende uitbreiding van sy op-aanvraag afleweringsplatform, lojaliteitsekosisteem en toenemende kliënteverkeer oor sy kleinhandelnetwerk.

Rosestad-nuus se Ilde Roos verduidelik verder namate Suid-Afrika se ekonomiese omgewing stabiliseer toon die land se voorste handelsmerke sterk veerkragtigheid en groei.

LUISTER HIER:

Ilde Roos

0:32

TRANSKRIPSIE:

Die voorsitter van Brand Finance Africa, Jeremy Sampson, sê sektore soos bankwese, kleinhandel en telekommunikasie bly die ranglys anker. Sterk groei in versekering en bier toon hoe volgehoue belegging in handelsmerke en operasionele prestasie kan lei tot beduidende groei in handelsmerkwaarde. Hy voeg by sterk handelsmerke sal steeds ’n belangrike rol speel in die versterking van beleggersvertroue en die ondersteuning van Suid-Afrika se langtermyn ekonomiese mededingendheid.

Checkers se ingang. FOTO: Mimosa Mall