Daar is 'n aanslag om kolonialisme en apartheid uit skole te verwyder

Die minister van Onderwys, Siviwe Gwarube, het in antwoord op ʼn parlementêre vraag onthul dat daar ʼn veelvuldige aanslag begin is om die nalatenskap van kolonialisme en apartheid uit openbare skole te verdryf.

Dit behels onder andere ’n hernude kurrikulum wat Afrika se stem sentraal stel. Dit behels ook versterkte wetgewing, geteikende finansiering vir armes en grootskaalse regstellende bouwerk aan infrastruktuur in agtergeblewe gemeenskappe.

Gwarube sê die nalatenskap van apartheid word weerspieël in patrone van uitsluiting, ongelyke toegang tot kennis en taal.

Ter illustrasie. FOTO: WWHGE