Derduisende gesoekte verdagtes is in hegtenis geneem

Die Suid-Afrikaanse Polisiediens het die afgelope week, tydens intelligensie-geleide misdaadbestrydingsoperasies regoor alle provinsies, byna 3000 gesoekte verdagtes in hegtenis geneem. Die verdagtes is gesoek vir moord, poging tot moord, motorkapings, verkragting en rooftogte by huise en besighede. Beamptes het ook meer as 14 000 ander verdagtes in hegtenis geneem vir onder andere mensehandel en aanranding met die doel om ernstige liggaamlike leed aan te rig. ‘n Polisiewoordvoerder, luitenant-kolonel Vincent Mukhathi, sê ongeveer 2 400 van hierdie verdagtes is in besit van dwelms betrap.